【医生已尽力】林子博太太出院报平安  董燕君：望唔好再痛

林子博太太董燕君（Shirley）去年确诊患上极罕有癌症「平滑肌肉瘤（腹腔）」，经半年治疗，肿瘤缩少咗，病情向好，全家都陪伴Shirley积极面对抗癌之路。可是上周六（1日） Shirley病情突然告急，肿瘤剧痛，又晕又呕且去不到厕所，甚至连下床也有困难，被送院玛丽医院肿瘤科病房治理，但在留院期间情况未见有太大改善，情况令人担心。最惨因为疫情关系，子博不能探望，也无法和医生联络，令他非常担心，除咗视像时照顾太太情绪外，一对子女都不时追问妈妈几时可以出到院，增添子博唔少压力。

 

不过，希望在明天！留院5日后，噚日下午Shirley终于转好出院一家团聚啦！Shirley留言感谢医护的照顾，并坦言今次入院只可以头痛医头，脚痛医脚，对她的病没有太大帮助，希望以后肿瘤乖乖哋，唔好再无端端咁痛啦！








 

入院好无助好惊
她报喜道：「我出院喇！经过了6日(正确应该系5日)终于可以出院！好感动！虽然呢次入院只系可以头痛医头、脚痛医脚！完全对我嘅病没太大帮助！但系都好感恩遇到一班非常细心嘅专业团队！其实现在公营机构水凖都好高，同以往差好远，服务好似私家医院咁！多谢你哋过去6日嘅照顾！

 

交代返我嘅病情，我系因为上星期四早上突然右肋骨内痛（应该系肝位置），之后胃痛，痛到坐唔到、企唔到（痛到成个人挛埋，我估呢啲系叫做癌痛）！之后开始晕、作呕、气喘！顶了两日到咗1/8夜晚去睇急症！医生家𠵱只系帮我用药控制，暂时止痛、止晕！其实大部份比较强嘅止痛药都有吗啡成份！但系有吗啡成份嘅嘢我食咗又会又晕又呕！所以呢几日就不停调教份量！其他实质嘅嘢医生真系冇乜办法可以做！我知道佢已经尽咗力！希望以后乖乖哋唔好再无端端咁痛啦！（我都知道好多嘢都要靠自己）不过真系好惊㗎！无助感真系好重！最后要同大家讲声唔好意思！过去几日要你哋为我担心！」网民送上祝福，留言打气，为她加油，指她一定能战胜癌魔。