演技获伍咏薇麦妈妈赞赏 麦明诗被网民闹爆累死李佳芯
2020-08-07 11:30 
由陈维冠监制，无綫热播剧《杀手》今晚大结局，噚晚一集剧情相当紧凑，「杀手猎人」Parker（谢东闵饰）除咗杀埋Bill（戴耀明饰）外，仲捉走Cash（李佳芯饰），Cash先被Parker敲断脚，再被撞爆头，最后被绑喺海入面惨死， 而Parker挟持閰武（黎耀烊饰）女儿Megan(阿之)（麦明诗饰）逃亡时遇上为Cash报仇嘅Zero（陈豪饰），閰武赶到为咗个女安危而极力阻止Zero出手，而另方面Megan仍想保护Parker，结果Zero再次用一粒子弹，射杀Megan与Parker，真系死得人多。
网民叫离开变态佬
噚晚麦明诗(Louisa)喺FB发文两段，除咗上载眼定定，但笑晒口同谢东闵合照，留言「他是爱我的，是吗？」外，还转载返上月中伍姑娘(伍咏薇)对她演技的赞赏评论，文中伍姑娘话「麦明诗…意外惊喜…做得好好…成套剧…本宫最留意同几期待此女人出场…加油#我都系一个观众亦系演员非常欣赏呢位新人演出#其实我唔识佢㗎」Louisa好感谢伍姑娘嘅鼓励，再次多谢当时各位前辈嘅指导。伍姑娘就回应「睇好你…非池中物…有机会合作…」
唔打算返食回头草
唔少网民大赞麦明诗演技进步咗好多，连麦妈妈何小娟都留言话：「Louisa，你的演技真的进步了很多，我看到你之前下了这么多功夫和努力，这些并没有白费，为你鼓掌！」不过，有网民批评她行动太快，举动唔似失明人士，麦明诗都有谢谢意见。网民乘机叫她回巢，劝她唔好嘥咗好机会。仲有人求证：「唔系江美仪话你重回娘家咩？」Louisa却否认有食回头草呢个打算，留言系误会。
爱情让人变得白痴
另外，因为噚晚嗰集Megan同Cash本身已逃离现场匿藏起来，但Megan因太爱Parker，挺身回应呼唤而累死咗Cash，被唔少网民留言闹爆「今晚杀咗你」、「你害埋自己啦，好嬲呀！」、「你累死咗Cash，点解要害佢？」、「佢好恐怖！」、「是非分明勇往直前嘅阿之，今集变咗低能！」Louisa就喺留言度解构让大家消吓气：「爱情让人变得白痴！」
最新回应