【独家】连环出新歌后专心凑B 罗力威做好准备挑战喂夜奶

罗力威最近连环推出两首新歌《旅行娃娃》及《废物女友》，他坦言入行11年现在心态已不同，尽力写出满意的新歌后，不会太在意成绩，给自己太多压力，以往他甚至跟传媒相处都有困难，但经验累积加上太太雨侨正面影响，令他变更开朗更自在。而他这个准爸爸亦已做好准备，除了宣传完新歌后会暂时放低工作专心凑BB外，更有晒心理准备挑战艰巨的喂夜奶工作。采访：杜淑霞 摄影：谭壹致 发型：Adam Hui@ W Salon by IL colpo 化妆：YanChiu@ndnco. 场地：Red Sugar, Kerry Hotel

罗力威解释，新歌出得密，因为希望之后可以专心迎接跟雨侨的小生命来临，「希望呢两首歌啲人听耐啲，我又有啲时间凑吓Ｂ，陪吓老婆生同复原。」出道11年的罗力威笑言心态和情况跟周杰伦一样，由最初执着作品成绩，好有压力，到现在已睇得好开，尽力写好每首歌便够，「我嘅情况、心态同佢一样，只系佢有人听，我冇人听咁解，哈哈！」

这次访问，看到罗力威明显开朗得多，变得好健谈，他承认以往对传媒好有戒心，「可能人嘅阶段唔同咗，开头会觉得啲人系害我，哈哈！想引我讲错嘢，定系想攞啲嘢闹我，细个唔懂事，觉得呢行咁复杂，唔知系咪个个衰人，其实呢行好多都系好人嚟，咁衰人周围都有，唔单止呢行。（你开朗咗！）正常做番一个人，以前唔算太正常，哈哈！」原来他以前连出街也感到压力，「以前出街有人望会谂『睥咩』哈哈！其实人哋因为认得你，或者想同你讲声加油，或者锺意你嘅歌，未必一定系睇唔起你嘅。」




罗力威今日能够贴地做返自己，识得同传媒相处，太太雨侨绝对功不可没，「太太对我嚟讲最重要，佢所有睇法同我讲嘅说话、思维内涵，都系100分，咁我喺佢身上得到好正面嘅影响。」讲到跟雨侨的爱情结晶品，他有晒心理准备挑战最困难的喂夜奶，「我天生冇黑眼圈，预咗唔够瞓辛苦，好彩我唔使定时返早，唔使定时休息，预咗长期唔瞓，中间有4个钟瞓就OK，尽量喺唔瞓时做晒啲嘢，睇吓会唔会捱到有黑眼圈。」