由头号憎变一试上瘾　雨侨首做孕妇瑜伽想直落book晒啲堂

雨侨噚日接受《头条》独家访问嘅时候，自爆两个星期前因为发烧、喉咙痛同肚泻，疑似患新冠肺炎搞到要入院隔离，好彩只系肠胃炎，但系有过呢个惊险嘅经验，所以佢𠵱家会更加注重身体健康。佢仲透露近期成日去上堂，原来除咗同老公罗力威一齐学点样凑BB外，呢日佢公开学埋做孕妇瑜伽，而且一试之后令到原来好憎做运动，头号憎做瑜伽嘅佢完全改观𠻹！



雨侨留言话：「我最憎就系做运动㗎喇！不过我会尽量为咗一个目标push自己多少少，亦都系呢个做人态度，我哋先可以strive for excellence㗎嘛！嚟到大直路，我觉得可以做吓我头号憎嘅瑜伽，呢个系怀孕前已经决定咗嘅，但系跟边间学，都系一个重要考虑，一路都未有定案，直至最近一个月竟然系自己産检间诊所有堂上，有咩安全得过你个医生就喺隔离房？上堂过程非常愉快，系我想要嘅十分温柔而又push咗我limit少少嗰种。稍为困难少少，靓女导师就会帮我指导我，又会比空间我回气。结论：我直头想直落book晒咁多堂到40周mark晒佢啲期#你估个个blogger都锺意做瑜伽#我讲吓护肤品成份#消毒用品化学原理嗰啲㗎咋嘛#pregnantyoga」