【独家】拍《 辣伙头》做侍应欠沟通 杨天宇郭奕芯提起再「开火」

杨天宇和郭奕芯最近参与ViuTV真人骚《辣伙头•开火》，虽然郭奕芯第一季曾打入四强，但今季赛制好大分别，由考厨艺变成斗经营餐厅，对他们来说有一定难度，特别是做侍应，搞到他们一度有拗撬，当日提起亦忍不住再「开火」，相当搞笑。疫情下，两人都坦言工作停顿，唯有自我增值，杨天宇在家健身，为9月有机会开拍新戏准备；而郭奕芯就练紧普通话，望向内地发展。撰文：杜淑霞 摄影：李维隆 郭奕芯 发型及化妆：Siu Mei @ Kayan Makeup 杨天宇发型：Ritz Lam @Leonado 3 Hair corner 杨天宇服装：Carhartt WIP 场地：The Crown

杨天宇和郭奕芯最初知道有份参与《辣伙头•开火》以为会好好玩，郭奕芯说：「唔似第一季咁，冇咗淘汱赛，本嚟觉得冇咁大压力啦！」后来两人才发觉一点也不容易，杨天宇说：「其实今次系考你Marketing同宣传，煮嘢食都紧要嘅，但系成个Package。」

节目头几集，两人齐齐做侍应，但因沟通出问题，搞到杨天宇发火闹郭奕芯，重提这件事两人仲有火，郭奕芯讲了一轮，令杨天宇仍不满话：「我等你解释等咗五分钟。」郭奕芯不甘示弱话：「一开始大家冇讲，落单嗰个要计理数，（杨没好气话：真系唔知原来落单要计数）咁点解落单要计数啫！咁写咗A餐定Ｂ餐咪得，如果落单都要计数，咁就唔需要多一个计数出嚟做收银啦！直情楼面做晒。」杨天宇再解释因当日在Food court比赛，「我将所有单按顺序写好计钱同收钱，佢咁落单唔计钱喎，之后点收钱呢？」



有过今次经验两人更加佩服侍应，杨天宇说：「我做过节目，楼面最难唔系落单计数，最难系同厨房配合，唔乱可以顺住次序咁整唔会出错。」郭奕芯亦认同：「Christian（厨师杨尚友）讲过楼面会同厨房不和，嗰时我唔明点解，但做过楼面就明，食客有不满会直接投诉你，好多问题答唔到系会好有压力。」所以杨天宇奉劝大家开餐厅要三思，「因为太受环境同外在因素影响，就算煮到神级嘢食，唔代表唔会执笠，除咗对嘢食有热诚，仲要好有生意头脑。」