【新冠肺炎】除罩与施匡翘做访问 DJ林子谦要入骏洋邨隔离

2020-07-21 11:00

新城电台DJ林子谦曾在节目中冇戴口罩，访问过碓诊歌手施匡翘属紧密接触者，因此被卫生署安排入住骏洋邨隔离营接受观察，他被安排住喺300尺，冇冷气嘅单位隔离住10日。噚日他喺IG拍片分享隔离生活，片中他边拍住房间内外环境边说：「我在骏洋的第一天，3511号房，好白净嘅厨房同厕所，仲有行李喼、单人牀、窗、望山景，嗨！原来有电视喎！」他还写道：「当年梁朝伟 tony leung在2046号房写《2046》的小说，今日 tony lam 在骏洋邨的3511号房写呢篇ig post，多谢大家关心，好多人想知骏洋邨入面系乜嘢情况，拍咗条片，唔知可唔可以post，但又无人阻我，于是发挥做传媒的精神！唔理！照拍！照post！」

「虽然入面冇冷气，冇电视(最初以为冇)，但可以系一个机会写个好剧本，睇吓书，整理吓慈善协会啲文件，如无意外30号凌晨出返嚟，大家不用担心。我很好！这是一个人生体验。同时，请不要再对那些中了病毒的人讲啲难听说话佢，地都唔想的。」

隔离期间每日有医护为他做检查，林子谦未有病徵，所以唔惊，他说：「呢个情况冇得好惊。其实系呢个咁厉害嘅疫情环境，好多时都系需要运气。今日都有一位伟大的医生染上，所以希望大家都平平安安。染上的尽快康复，做了测试未知结果的，不要惊慌。」