星岛日报

【独家】跟陈茵媺似初恋 同仔女黐到实 陈豪亲教一家五口sweet爆秘诀

2020-07-15 21:15
陈豪跟老婆陈茵媺仍好似初恋一样,仔女又同他黐到实,一家五口sweet爆。
陈豪跟老婆陈茵媺仍好似初恋一样,仔女又同他黐到实,一家五口sweet爆。

陈豪(阿Mo)最近在新剧《杀手》饰演「杀手之王Zero 」风流成性,沟高海宁又冧李佳芯,不过现实中阿Mo堪称是廿四孝老公兼好爸爸,一家五口出名sweet到爆。早前《头条》就影到他同老婆陈茵媺(Aimee)拍拖食雪糕,结婚7年竟然仲好有初恋feel;而他虽然好鬼忙凑仔时间唔多,但三个宝贝仔女依然同佢黐到实。究竟面对「七年之痒」仍同老婆关系保鲜,跟仔女又咁好感情呢?阿Mo呢个一家之主就自有一套维系家人感情秘诀,首先两公婆一定唔可以有亲情冇爱情,夫妻好感情仔女自然学识点样爱锡人;而不论同老婆定对仔女一样离唔开肌肤之亲,揽揽锡锡绝对唔少得,咁样一家人自然日日都sweet爆啦!撰文:杜淑霞 摄影:李维隆 服装:Harrison Wong

陈豪跟老婆陈茵媺仍好似初恋一样,仔女又同他黐到实,一家五口sweet爆。
陈豪跟老婆陈茵媺仍好似初恋一样,仔女又同他黐到实,一家五口sweet爆。
阿Mo自爆他和Aimee互相都不会睇对方演的咀嘴戏,更笑言是冇眼睇。
阿Mo自爆他和Aimee互相都不会睇对方演的咀嘴戏,更笑言是冇眼睇。




阿Mo在10年跟拍拖两年的Aimee 结婚后,接住生了6岁的大仔梓烨(Aiden Joshua)、5岁的二仔陈浩锋(Nathan Lucas)和4岁的细女凯婷(Camilla)。最难得结婚7年,早前阿Mo拖住Aimee去中环拍拖,仲不停如痴汉般甜望老婆食雪糕,完全是初恋Feel,提起他即狂笑,仲话因为Aimee平日要照顾三个小朋友太辛苦,「所以当我得闲,我就尽丈夫嘅责任,陪佢出街,行街shopping咁,做少少嘢令到佢开心系需要嘅,(佢食雪糕就得好易𠱁!)yeah!哈哈!」

肌肤之亲好紧要

之后阿Mo再教维系家人感情的秘诀,「其实大家遗忘咗丈夫同太太系第一个关系,父母同仔女系第二个关系,大家千祈唔好屋企得爹哋妈咪同细路哥,唔系罗!坦白讲夫妻感情愈好,家庭里面愈开心,愈多爱细路仔啲性格先至愈光亮,先至会开心,我哋好深信呢个理论嘅,所以我同Aimee其实有个承诺,每年去个二人世界嘅trip,我想将我哋之间嘅爱维系住,等屋企充满住爱,所以我哋好注重揽揽锡锡,表达同对方嘅爱,我哋经常做,就系想啲细路学识咩叫爱。」

至于平日又要拍剧又要打理咖啡生意,阿Mo凑仔时间唔多,但三个仔女依然好黐佢,阿Mo就再教路,「小朋友黐我哋,因为我哋好黐佢哋,我哋想同佢哋一齐,佢哋先会想同我哋一齐,先会同你friend,呢啲就系爱,我哋经常bye bye前锡锡,临走前又锡锡,变咗佢哋肢体上会多啲接触,会走嚟坐大髀,嗰种肌肤之亲都几紧要㗎!」

讲到老婆Aimee和三个宝贝,阿Mo总是笑到四万咁口。
讲到老婆Aimee和三个宝贝,阿Mo总是笑到四万咁口。
阿Mo成日同Aimee揽揽锡锡,仔女亦有样学样。
阿Mo成日同Aimee揽揽锡锡,仔女亦有样学样。



囡囡入行会支持

讲到《杀手》中,阿Mo不时沟女,但原来只要有咀嘴场面,Aimee就自动唔睇,「拍之前有话佢听,但佢唔睇㗎!佢宁愿唔睇,冇眼睇,哈哈!我同佢都好明白大家做演员嘅,就算佢做都好,我都会支持佢,叫佢放心去做,唔好有咩顾忌。不过调返转我都一样,梗系唔睇啦!(《杀手》有冇咀戏?)冇嘅,佢成套都可以睇,哈哈!」至于阿Mo的经典三级背部全裸之作《晚九朝五》,Aimee一样未睇,「真系未喎!(晚年同佢一齐睇?)唔会啦!你咁激嘅!(同小朋友一齐睇?睇爹哋几好身材!)哈哈!佢哋唔会啦!(有心理准备小朋友将来睇到?)其实都冇乜所谓,我哋做得幕前,预咗畀人哋分享,做演员就系咁样,好嘅唔好嘅都放咗喺荧幕上,大家自己评定。」

由于阿Mo三个小朋友太细,暂时未睇过他的作品,不过对他工作就超好奇,「我开工有时会特登拍啲片畀佢哋睇,佢哋睇得好开心,囡囡又成日都话要跟我去片场睇我拍戏,但仲未实现佢呢个梦想。」阿Mo承认好似迷你版Aimee的囡囡将来有可能入行,「佢真系超级贪靓,佢天生㗎!妈咪化妆、整头发,搽唇膏、整指甲,特别锺意,咁细个自己拣衫出街,我调返转头问佢意见,佢又答到我,佢taste都唔错㗎!(步你哋后尘入行?)女大女世界,我哋做父母嘅,好好准备佢哋面对佢哋嘅将来,起码读好啲书有个好好基础先,到时做咩自己再选择,将来靠佢哋去闯,作为Daddy做咩都会支持。」

阿Mo成日同Aimee揽揽锡锡,仔女亦有样学样。
阿Mo成日同Aimee揽揽锡锡,仔女亦有样学样。
早前本报拍得阿Mo拖住Aimee去中环拍拖,仲不停如痴汉般甜望老婆食雪糕,完全是初恋Feel。
早前本报拍得阿Mo拖住Aimee去中环拍拖,仲不停如痴汉般甜望老婆食雪糕,完全是初恋Feel。
阿Mo也承认犹如Aimee迷你版的细女 Camilla超级贪靓。
阿Mo也承认犹如Aimee迷你版的细女 Camilla超级贪靓。
剧中阿Mo既沟高海宁,又冧李佳芯,相当风流。
剧中阿Mo既沟高海宁,又冧李佳芯,相当风流。
阿Mo自爆本身是武痴,10几岁在澳洲时仲学过铁沙掌,所以今次《杀手》中有不少动作戏反而好过瘾。
阿Mo自爆本身是武痴,10几岁在澳洲时仲学过铁沙掌,所以今次《杀手》中有不少动作戏反而好过瘾。
阿Mo坦言最初抗拒剧中大骚咖啡技术,但后来开窍觉得帮到演出就冇所谓。
阿Mo坦言最初抗拒剧中大骚咖啡技术,但后来开窍觉得帮到演出就冇所谓。
1994年阿Mo入行首部电影《晚九朝五》中,有不少情欲戏,更会背部全裸。
1994年阿Mo入行首部电影《晚九朝五》中,有不少情欲戏,更会背部全裸。

最新回应

關鍵字

相關新聞

热门文章