切洋葱唔觉意骚劲fit身形　汤怡爆腹肌蒋家旻江嘉敏都𥄫

疫情下有人患「疫情肥」，不过亦有人因为疫情多咗时间做运动，令身形变得更fit，其中一个肯定系汤怡。呢日佢只系整嘢食切个洋葱，仲留言：「好多人都好怕切洋葱，切粒觉得麻烦，仲会切到流哂眼水，咁唯有牺牲我自己帮大家切喇，唔，原本企喺我隔离果啲一早行到无雷公咁远，但见我切到笑哂口，就知无事啦，傻嘅有窍门嫁喇，系估唔到自己切到爆哂青筋姐」。但系因为汤怡着住件露腰装，即时被蒋家旻发现写话：「重点系爆腹肌」而呢排好惹是非嘅江嘉敏亦加把口话：「错重点了」不过汤怡𠵱家嘅身形，真系女仔睇见都忍唔住𥄫啦！