【独家】拍牀戏愈熟愈唔畀面 陈家乐呻俾汤怡投诉须太拮

陈家乐和汤怡认识多年，但最近在电影《死因无可疑》才是首次演情侣，戏中更有牀戏，汤怡就话大家熟，演起来没顾忌，反而家乐呻熟仲惨，因汤怡会投诉俾他的须拮亲。谈到拍摄感受，两人特别感激导演袁剑伟耐心教导，又大赞前辈黄秋生和林嘉欣够专业。讲到两人先后做业主，家乐就否认有新恋情而买楼，他们自爆其实全靠公司借钱先成功置业，以后要更努力搵钱。撰文：杜淑霞 摄影：李维隆 发型：Kendrick Siu(家乐)、Davy YU@AdmiXHairStyling(汤怡) 化妆：Khaki Yan(家乐)、木子维纳 Vena(汤怡) 服装：BOSS(家乐)、Marella(汤怡)　场地：尖沙咀iSQUARE英皇戏院

戏中家乐和汤怡有不少亲热戏份，家乐反而觉得太熟会尴尬，「忍唔到笑，佢又嫌三嫌四搞到我唔舒服罗！」汤怡即反驳，「我纯粹话你啲须好拮之嘛！我又唔系嫌啲乜嘢，我反而觉得太熟会冇尴尬，同埋完全信任佢，所以冇话设计啲咩动作，想点就点罗！」家乐即搞笑，「你早讲可以点就点，我同导演讲唔系咁拍嘛！」

谈到拍摄该片最大感受，家乐和汤怡异口同声赞遇着好导演袁剑伟，除了肯花一年时间跟他们分析剧本，还将他们的潜能都迫出来，家乐说：「佢为咗令我哋有突破去搣甩啲嘢，仲好有耐性，唔介意再拍。」汤怡也觉得导演擅于将演员的潜力迫出来，「有场嗌交戏，我都估唔到自己可以咁爆。」家乐在戏中跟影帝和影后级的黄秋生和林嘉欣有不少对手戏，他觉得两个前辈都好识照顾对手，秋生更加专登同临时演员吹水，帮手减轻大家压力。




继汤怡18年上车做业主，最近家乐跟家人亦斥半亿买入何文田千多尺豪宅，他坦言现在要更努力搵钱，问到买楼是否为传出跟连诗雅的新恋情有关，他即扮晒傻对汤怡话：「你有新恋情咩？（汤：系呀！收埋收埋好低调。）」之后家乐先认真话：「恋情嘅嘢唔交待有冇新啦！层楼多谢公司帮手，坦白讲我唔够钱买嘅，自己虽然储咗啲钱，但使咗好多，好彩经理人睇到，叫我要买楼储钱，帮我向公司借咗少少，咁都好嘅有啲压力系好事，做嘢都会积极啲。」