【咁灰咩】晒阿妈超强画功 阿Sa叹气有排都追唔到

阿Sa(蔡卓妍)同佢个饼印阿妈都好锺意画画，今日前者就Post咗后者嘅作品上ig，作品包括阿Sa与狗，Sa猫打烂嘢、治愈花海同花花花花，睇得出Sa妈都几锺意画花，画花好吖。

唔好以为阿Sa放阿妈嘅作品出嚟系谂住晒命，你错嘞，佢系想带出自己画功唔得，感觉几灰，听吓佢点讲，「我阿妈画画真系好劲，我真系有排都追唔到佢嘅级数。」hashtag系多才多艺的妈妈同有其母未必有其女。

其实阿Sa唔使咁灰，佢画功都非常厉害，绝对系有其母必有其女㗎。