【出海喇！】黄建东Chok墨鱼初体验　黄美棋克服大海恐惧考潜水牌

夏天热辣辣梗系要玩水啦！近日不少艺人已经出动去沙滩日光浴、出海玩Wakesurf等，最近黄美棋（美棋BB）就跟男友锺健威（Ray）去考潜水牌，但早前Ray爆料指女友原来唔熟水性，连搭船都要食晕浪丸，美棋BB昨日就于IG贴出潜水照，并留言解释：「因为我想睇多D（啲）鱼仔，海龟、海洋生物！叫咗Ray哥陪我学，点知佢突然加咗廿匹，黎（嚟）紧已经考AO！！我真系佩服... 而我呢？？又晕船浪又惊吸唔到气又要成日调水压又怕水母，阿sir对住我成日哭笑不得，无激晕佢已经算系咁....哈哈，到底我考唔考到O牌呀？下回分解，而家唯有食住鸡胸睇鱼仔先啦。」见美棋BB要挑战茫茫大海的恐惧，仍能在镜头前Chok住摆甫士影相，难怪Ray都大赞：「确实系型嘅！」

此外，黄建东昨晚就选择夜间出海Chok墨鱼，初次体验的他似乎都有唔少收获，仲拎住啲墨鱼仔开心合照，黄建东写道：「第一次chok墨鱼，原来真系要不停咁chok chok chok，不过唔知点解人哋轻轻松松钓到十几廿条，我搞咗成晚身水身汗先得嗰四条... 不过新鲜墨鱼真系好好食，鲜味到晕~」其实第一次钓到4条都好叻喇，不过佢早前唔系先话要减肥咩？夜晚晚仲食？系咪又放弃咗喇？