5年冇一齐拍MV好鬼嘈 太极重组翻唱《留住我吧》

太极早前合体拍摄MV，为今年演唱会打响头炮，众人重新演绎《留住我吧》，结他手刘贤德谓曲风配会更「有型」，希望为港人打气：「因为疫情大家呢半年都好困扰啦，所以今次曲风会比较多爵士乐，感觉会轻快啲，而且我哋呢班中佬都开始年纪大，唱Jazz感觉会型啲！」

Gary（唐奕聪）指太极欠缺Band Leader，提议即场投票，他被队友一致推荐当选，说：「我其实都唔知会发生咩事，净系知道今日嚟拍MV，但听讲年尾有个大搞作，冇咩所谓啦，大家埋位就会搞得成㗎啦！话时话我哋都5年冇一齐拍MV，今次难得聚埋，搞到现场好嘈，因为成班人都锺意讲嘢，但永远自己有自己讲，唔理人㗎！」

主音雷有辉（Patrick）透露，太极将12月举行大型个唱，其个人演唱会亦是由年底个唱演衍生出来：「冇12月太极骚，就冇8月我个人音乐会，佢哋想我打头阵，同Fans热吓身！头先Joey（邓建明）访问话叫人留钱买12月个骚，呢个兄弟衰到呢，所以8月个唱我会拉埋佢落水，做我演唱会音乐总监，费事佢乱讲嘢！」

Joey表示年底太极骚圆梦，希望饮住酒开骚：「因为西九举行户外骚，大家睇住个日落，饮番两杯听我哋唱歌，个气氛一定正！我哋四面台又做过，红馆又做过，今次终于可以成万人陪我哋睇日落，希望唔会唱唱吓饮醉咗啦！」