黄昏跑步自拍流汗风姿 苟芸慧惊变蛇精女

36岁嘅苟芸慧，自2018年嫁畀陆汉洋后乐做少奶奶，只间中出席公开活动。而一向醉心整甜品嘅佢，旧年就报读咗一个法式甜品课程，当时佢就话：「从早到晚嘅法式甜品课程令我过得好充实，期待明年毕业后可以给爱的人做甜点。」

话咁快为期10个月嘅课程已完结，苟姑娘话因为法国啲考官飞唔到嚟香港，所以未考到试，但会Keep住好勤力咁练习。练习得多，制成品自然多，估计苟姑娘都肥咗唔少，所以运动唔少得。

寻晚佢就去咗跑步，仲由戴表开始拍片，拍住自己上楼梯同流晒汗嘅风姿，佢话「喜欢在黄昏时候去散步热身，等到星星月亮出来的时候就开始跑上斜坡，楼梯～ 一边运动一边浪漫 🌹 出汗的感觉真好 。」唔知黄昏跑步有几浪漫，但就知道苟姑娘拍片拍到自己成个蛇精女咁，额又高下巴又尖，其实都几吓人。