演「恶妻」抽离唔到拒老公探班　苟芸慧：唔好再喺我工作位置出现

苟芸慧（苟姑娘）自2018年嫁陆汉洋后，鲜有在荧幕出现，今次在无綫剧《飞虎之雷霆极战》中饰演马国明（马明）太太「殷婷」一角，不仅是婚后首套参与的香港剧集，亦是相隔4年首次重返香港荧幕的作品，难怪苟姑娘大叫紧张。
剧中，苟姑娘饰演一名惹笑「恶妻」，有不少「闹爆」老公马明的镜头。苟姑娘笑说：「有次好搞笑，有日马明突然同我讲『苟姑娘，原来我哋有场床戏』，我话我睇过剧本唔系咁样，后来先发现，马明讲嘅床戏，系坐喺床倾倾偈嘅戏份，同佢合作过，先知马明原来都好似小朋友，有天真嘅一面。」

提到演「恶妻」，苟姑娘指现实生活中，她对着老公亦有「恶」的一面，她说：「佢（老公）有反映过我拍呢套剧时，个人特别恶，可能我唔觉意将角色嘅性格带埋返屋企，但我觉得佢应该接受到，喺闹嘅过程，表达到我嘅想法，我估佢都锺意嘅。」
苟姑娘还爆料老公试过到场探班：「佢（老公）话咁啱喺附近工作，之后就爱的迫降咁空降拍摄现场，我返到屋企同佢反映，唔好再喺我工作位置出现，咁样会令我分心，好似成日有对眼望住我咁，好唔自在，不过佢就话嗰次系嚟睇马明，仲话马明系佢偶像。」