【好抢眼】著萤光粉红泳衣山涧打卡索妈杨洛婷冒险派福利

2020-06-27 11:30

39岁「索妈」杨洛婷(Rabeea)嫁咗畀乐队Dear Jane主音Tim 6年，育有一女Tanya，成为幸福妈妈。两年前两公婆更为咗囡囡有更大空间，购入价值逾二千万元的西贡豪宅，生活惬意。

难得Rabeea同Tim都热爱行山，今年Tim生日前夕和杨洛婷撇下女儿，二人世界去行山。杨洛婷在社交网分享两人在山上咀嘴的照片，好sweet。昨日Rabeea又去亲近大目然，喺西贡双鹿石涧打卡，并于社交网分享「影后」相，用英文留言：「徒步旅行和幸福相伴！」相中Rabeea身穿一件头萤光粉红泳衣，示范完美的背面身形。不过，因为见唔到33C火辣身材，唔少网民带点失望要求睇正面，亦有人好满足话系靓人靓景。

双鹿石涧系山涧旅游热点，因为沿途要攀爬石头先去到，非常险要，相中嘅四叠潭更水深四米，过往发生过唔少堕崖身亡意外，连行山专家都提醒话要好小心，Rabeea下次唔好咁激，冒险去嗰度游水喇！