大宝化身小厨师劲可爱　「城嫂」方媛带囡囡去包糭

昨日端午节，不少人选择去沙滩游龙舟水，不过天王郭富城（城城）的太太方媛（Moka）就带埋长女「大宝」Chantelle去学包豆沙糭，事后她于社教网上载影片公开制作过程，片中戴上口罩的Moka一边倒糯米、扎糭，一边对住镜头讲解，不过条片放咗上网后变咗静音，网友唯有当睇「默剧」啦。而身旁细细粒、头绑蝴蝶结的大宝，着住围裙、拎住个汤匙眼尾都冇望过妈咪，自己喺度玩手仔又搞吓糯米，非常得意，劲锡囡囡的城城睇见都即时俾Like，一众网民就纷纷留言赞大宝可爱又乖，唔知最终城城有冇试到阿女手势呢？