【又会咁嘅】火速删去童年靓相城城大女八成似儿时方媛

2020-06-02 11:30

趁住「六一儿童节」，「城嫂」方媛（Moka）昨晚喺微博上载咗两张小童及中童照，并留言：「猜猜大宝和小宝谁和我小时候比较像？六一儿童节」，不过，出PO一阵，Moka竟然火速删相，童年相好快就冇得留低。

不过，本报记者眼明手快，有幸睇到「城嫂」儿时可爱靓相，相嘅Moka束住孖辫仔，相当可爱，从前Baby fat有包子脸，如今脸型的确更显瘦，而且眼、鼻、口轮廓较深，大大吓仲有埋双眼皮，兼冇咗个眼袋，真系女大十八变，愈嚟愈高质同靓，连天王城城都劲Like，锡到老婆燶。

由于二宝从未曝光，反而喺《郭富城鼓舞‧动起来网上慈善演唱会》中方媛带过大女Chantelle到场支持，仲罕有咁喺海旁一家三口合照留影。Chantelle虽然戴住口罩，不过扎住两个小髻仔嘅大宝眼仔碌碌，骤眼睇都有啲妈咪影子，双眼及前额相似度有八成。