【潮玩变脸App】变索女劲吸Like 　黄秋生认同网友有D似苗可秀

呢几日个个都玩变脸App，好多艺人都搵到「世上另一个我」，或者失散咗嘅细佬妹咁，以为留守香港嘅艺人玩得咁癫，原来正身在台湾开工嘅黄秋生一样癫埋一份。佢噚日朝喺社交平台放咗第一张变脸相时，虽然有好多人Like，但回应就麻麻地，譬如话：「哗，端午节搞啲咁嘅嘢，吓死人咩」、「可以拍港产“爱生事家庭＂」不过到夜晚秋生再来一张就不得了，因为真系坚索，有网友话：「我妈话张相似苗可秀ar」秋生仲有亲身回应话：「有D似」，难怪短短3个钟都吸了过万个Like。



除了秋生成功「变性」外，罗敏庄一样「变得更加好」，佢出Po两张变脸后靓相，哗！真系靓仔到冇朋友，所以连佢自己都忍唔住话：「我睇到自己都心动#faceapp#科技万岁#流口水#ilovemyself❤️」