【头条独家】 同林嘉欣作品待18岁看 袁剑伟望女儿继承电影梦

导演袁剑伟继首部作品《暗色天堂》后，执导惊栗片《死因无可疑》再度跟太太林嘉欣和黄秋生合作，他强调两人因与角色反差大是最佳人选。他又透露秋生曾住男童院有助演出，而嘉欣为角色不单犠牲靓样，更花时间扮跛学盲做准备。他又提到跟嘉欣经常让一对女儿看电影，但夫妻合作作品要留待女儿18岁生日才能送给她们看，而他也希望女儿将来从事电影行业，甚至继承他们的电影梦。撰文：杜淑霞 摄影：李维隆

袁剑伟大赞嘉欣今次为角色牺牲好大，留白发、增肥、唔搽Cream，甚至零化妆，不过事前他不用说服嘉欣演出，他笑言对方看到角色有发挥已流口水，但亦不禁赞太太的专业，「其实佢系个好癫嘅演员，佢为咗去知道盲系咩感觉，佢走去盲人协进会访问，跟住未开拍已经开始戴住个con去感受，凑个女返学又扮跛，搞到个女又扮埋跛，佢又搵个studio去练一啲形体动作，成日话台上一分钟台下十年功，佢就系咁样，做好多预备工作，唔好讲老公老婆，作为一个导演我欣赏佢嘅准备。」

提到跟嘉欣合作的两部电影都未能给两个女儿看，袁剑伟笑言：「呢啲系佢哋18岁嘅礼物，哈哈！（一次睇晒爹哋妈咪合作嘅作品）放题咁一晚睇晒佢。」他透露在家跟嘉欣倾谈话题离不开电影和艺术，难免会薰陶一对女儿，他发现她们开始对电影很好奇，自然会期望她们继承电影梦，「我同嘉欣好多时畀电影佢哋睇，之前睇咗套《Descendants》（《星光继承者》）讲坏人后代，佢哋好锺意，大女问『爸爸有冇辧法搵个剧本畀我睇』，于是我千辛万苦喺ebay买咗畀佢睇，我问佢有咩感觉，佢话我唔知，可能太细，要佢吸收到剧本系难。（好奇系个好开始，将来一家都做电影？）真系唔知，有啲嘢唔系一代人可以完成，尤其系咁多资讯嘅年代，可能要两代，我唔知我个女会变成点，会做编剧、导演或者演员，我嘅电影梦可能由佢哋延续落去都唔定。」