【独家】受薰陶囡囡爱上电影 林嘉欣感动细女自创海报

林嘉欣最近再度跟导演丈夫袁剑伟合作电影《死因无可疑》，虽比《暗色天堂》压力轻，但因丈夫更懂得使横手迫出她潜能。讲到跟丈夫工作和生活都离不开电影，她发觉这种氛围下两名女儿分别10岁的Kayla和7岁的Sofie都很喜欢电影，看剧本已成为她们的习惯，而Sofie不单会跟着妈咪去模仿角角，听妈咪讲得多这部作品，还专登创作了张海报，令嘉欣和丈夫都好感动。撰文：杜淑霞 摄影：李维隆 发型：Bart Choi @ il Colpo 化妆：Will Wong 服饰：Simone Rocha by I.T.、BVLGARI 场地：Hyatt Centric Victoria Harbour Hong Kong

嘉欣坦言丈夫好识得鞭策她，「导演有啲茅，佢知道讲咩说话会㩒到我愤怒个制，记得拍第一场喺（陈）家乐屋企吓佢，临roll机前佢喺我耳边讲咗啲嘢，我即刻火都嚟，挑战我！佢专登令发火达到某种效果去做咗嗰场戏。（讲咗咩呢？）呢个系我哋夫妻嘅秘密。（其他导演唔会识用呢个方法？）都系，就算识都唔敢踩界！哈哈！」

嘉欣今次为角色「沈子玲」花大量时间只求令观众看不到她的痕迹，除了食一个宵夜增肥10磅、花3个月留白头发、不搽手Cream、化令皮肤睇落偏黄暗哑的特技化妆外，还有跟老师甄咏蓓研究角色的形体动作，譬如负重5磅下拖住脚行，以及眼睛弱视靠听觉带动等。不过最搞笑连细女都跟着嘉欣齐齐做，「我拖住只左脚同个女返幼稚园，个女好好笑话『妈咪你玩紧咩游戏？』学埋我拖住行返幼稚园，搞到啲人问我哋有冇事，我哋屋企真系好骑呢；我有时只眼专登飘，试吓习惯耳仔带动对眼，个女又会问我系咪扮盲。」




讲到袁剑伟提过两套作品都未能让两个女睇，所以打算送给她们做18岁礼物，嘉欣即狂笑话：「我觉得佢自己都唔知自己讲乜，18岁礼物？啲女都唔要啦！哈哈，佢哋唔使等18岁上网都睇到。」提到袁剑伟也想囡囡继承衣钵，嘉欣坦承在她和老公薰陶下两个女确实喜欢电影，睇剧本已成为她们的习惯，更笑老公，「暗哑抵想train个导演出嚟」。不过，最感动是细女Sofie竟为这部电影创作海报，「细女睇完我呢个角色嘅定装相，就问我个角色系做咩，跟住就画咗张海报畀我，嗰时系两年前佢得5岁，张海报有晒拍摄嘅场景，都几感动原来我同佢讲嘢有听，爹哋睇见都好开心。」