诱网友睇片派3点式泳衣福利　庄端儿索相连已婚火火都畀Like

庄端儿早排因为疫情关系，经常留家避疫搞到肥咗好多，自然派少咗福利，不过今日她再出手大晒性感3点式泳衣照，虽然已经系16年嘅作品，但系一样令粉丝狂畀Like，连已婚嘅火火一样畀埋Like一份。其实庄端儿今次目的当然唔系晒性感咁简单，只系抛砖引玉宣传佢另一个社交频道嘅新片。不过，睇见呢啲索相，网友当然多嘢谂，反应除咗系最基本嘅靓、索同心心眼公仔过外，都有人写得好搞笑，好似有「贴呢张相唔炒车都难啦」、「我晕喇。。有冇人扶一扶我」，当然亦有啲错重点嘅网民，竟然留意到庄端儿嘅发型好搞鬼咁话「特朗普执阴」。