【马明去咗边】汤洛雯为索妈庆生载全家福照唔见马国明

2020-06-25 11:01

马国明与汤洛雯（靓汤）大方认爱，靓汤仲自爆去到已见双方家长嘅阶段，仲话爸爸汤镇宗对马明赞不绝口，畀足100分，妈咪都安心交出个女！因为他真系对家人好好，早已紧张问定，快将生日的妈咪喜欢甚么？

昨晚靓汤在IG post出一家四口开心合照，留言Happy birthday mum。相中寿星妈V晒手，摆出胜利甫士，靓汤和细十年的高材生索细妹汤洛瑶（Cassandre）虽然守喺父母身后，但依然养眼，现场仲有生日蛋糕、花束及We love you汽球，相当有心思，已融入汤家嘅马国明只系做摄影师，所以全家福照入面未见有佢份！有佢嘅就只系留返嚟私人珍藏，冇公诸同好。而昨晚马明去咗无綫新剧《BB大晒》煞科宴，以有工作为由，来去匆匆，约8时30分离开，原来赶住赴会，同未来外母庆生，真鬼马。

网民大赞汤洛雯同妈咪系饼印母女，好靓，似两姊妹，又追问点解唔见马明？张相系咪由马明影的？看来大家都好关心及接受马明和靓汤呢一对。