【技痒点好】离开乐坛23年黎珈而忘形唱K唔知被偷影

2020-06-19 11:30

现年48岁「最美丽的CEO」黎姿（黎珈而Gigi），自从结婚后就被私有化，以家庭及打理美容王国为主，绝迹幕前，不过，由14岁就加入娱乐圈嘅Gigi点会冇技痒，虽然冇公开唱歌，但喺私下饭局，都会开金口献声，每次都掌声雷动，好似开show咁㗎。

昨晚Gigi喺IG上载唱歌短片，戴住眼镜，身穿黑色casual wear嘅Gigi喺宴会中，演绎关淑怡嘅经典歌《一首独唱的歌》。Gigi喺1997年，以性感与诱惑造型推出国语唱片《给你吧》后，就唔再唱歌去咗拍戏。不过，唱功同外形一样，多年不变，劲正。片中Gigi企喺度，双手紧握枝咪，一脸认真，唱得好Enjoy，投入到连朋友偷拍都唔知，劲满足，她写道：「那晚大家兴高采烈，就连唱K给朋友录影我亦不为意。很久没有听自己的歌声，勾起白恤衫的时候，希望这片段没有吓到大家。#一首独唱的歌 #白恤衫」

虽然只得几句，但Fans们都听出耳油，唔少粉丝好怀念她的剧作及旧歌，大赞好正，有人要求听全首，有fans留言：「真的有吓到大家！太好聼了！」连乐坛天后郑秀文都关注留言话：「大开金口。嘻嘻！」