冯盈盈约乐易玲食生日饭 江嘉敏搵林凯恩食浪漫Fine Dine

江嘉敏和冯盈盈早前传因「船P事件」闹不和，本月初前者更于社交网发文，寸爆称「听到啲唔应该听到嘅嘢」，又谓「说话唔能够乱讲尤其系大话」、「人言可畏」、「真系知人口面不知心」等，令外界怀疑她暗寸冯盈盈讲大话。虽然两人好快就否认姊妹决裂，昨日出席《TVB Amazing Summer》记者会时，还有讲有笑兼揽腰合照，但二人一直以忙为理由未约食饭，而昨晚，江嘉敏反而约了林凯恩（Iris）去5星级酒店，望住个维港景色食西班牙菜，非常浪漫。

事后，江嘉敏于IG出Po向Iris表白：「约咗好多日，终于约到。唔想求求其其食餐饭就算，望住海景，听住音乐倾下计，有啲浪漫。浪漫到超人有少少呷醋。佢好细心，剥紧虾壳时问：『使唔使我帮你剥丫？』讲完就直接将剥好嘅虾放咗系（喺）我只碟，而我又啱啱好偷望咗佢一下，刚好对上大家眼神。然而，我一直好喜欢佢嘅口头禅『平安就好』，同佢个人一样好善良。我性格火爆，而佢啱啱相反。燥底嘅时候有佢系（喺）身边，一只手揽住你膊头，一边做树窿吸哂啲负能量，感觉好似小男友。佢，系一个Man得嚟好sweet嘅小女孩。#佢话好锺意揽住我条腰因为我啲肉弹弹下 #简简单单就好 #做人何必咁复杂 #佢真的善良唔容许有人虾佢 #今次我准时到佢眼都突埋 #个景真系靓」Iris亦于个人帐户冧回：「一本求生指南跟一碗心灵鸡汤，两个女孩的晚上。跟她在一起每次约会的地方都很浪漫~像一个女朋友很重视跟我晚餐的感觉。她，烈得来又很可爱 #throwbacklastnight #地点不重要重要的是人」

至于本月10日26岁生日的盈盈，刚才也于IG贴出照片，原来她昨晚约了无綫高层乐易玲食生日饭，她写道：「26岁生日，愿望是人人身体健康，平安顺遂，逆境尽快过去雨过天青，多谢小姐为我庆生，感激身边有很多爱我的人，给我满满的爱和支持，你们的祝福我都收到。It’s my 26th birthday, and I’m getting better. #HappyBirthdayFYY」有眼利的网民即留言问：「第五句系咪打漏咗嗰『乐』字？」、「乐小姐无咗个姓」，不过未知江嘉敏几时先同盈盈补祝生日呢？