【有老婆撑】戴婚戒复工眼湿湿安仔:唔会忘记错误伤痕

2020-06-15 21:02

自「安心」事件发生后，许志安停工长达14个月，所有时间留在家中陪太太郑秀文(Sammi)。经过一年两个月沉淀，闭关思过，今日安仔终于在工作上重新出发，正式复工，晚上录影ViuTV音乐节目《宝丽金50周年Chill Club》，献唱他于宝丽金旗下正东年代作品《一步一生》，安仔坦言已准备及装备好才面对大家。

心情紧张
剪了头发精神奕奕安仔面对半百传媒访问，明显变得紧张，首先谈到：「今日好开心出嚟，最主要经过呢段时间，自己嘅沉淀、反省、学习，觉得自己成长咗好多，喺呢段时间确实有HARD TIME，但每次面对自己，都反问自己起点喺边度？会好尽力咁向前望，今日系一个好timing出嚟好好去学习、面对自己。」但承认紧张到瞓唔着。

勇敢承担
安仔续说：「喺呢段期间花咗好多时间陪屋企，屋企对我好重要，我好努力咁去装备自己，做运动、睇书，好好锻鍊自己。我亦都深深去谂未来应该要点行，所以今日喺呢个时间出嚟见大家，嚟承担返我之前讲过嘅嘢，喺呢年几时间入面畀自己静思己过，我𠵱家装备好，系时间出返嚟，就决定重新出发。咁耐冇出嚟，都有问自己系咪ready好？太太都有同我讲：『要100% ready、有信心、内心心态要正面、出嚟时要真心，畀人知道要勇敢面对同承担。』不过，我见返咁朋友，真系有啲紧张。」

学会珍惜
戴上婚戒现身的安仔，讲到太太都有少少眼湿湿。问到老婆Sammi如何鼓励他出关？安仔说：「佢又冇乜特别，只系叫我自然啲，对自己有信心，喺呢段时间我有好好咁修理自己。我哋嘅狗Lucky已经15岁，呢段时间佢身体更加差，行唔到，我哋要花好多力气去照顾佢，喺佢身上学到珍惜。虽然佢已经进入倒数嘅日子，但我都希望佢可以开心啲，喺倒数日子唔好咁痛苦。」之前安仔也有做义工落区派口罩给长者，觉得老人家需要爱和关心，过程中反而觉得自己才是受助者，故未来除了专注家庭事业，也更多关心社会。

心颖断交
又被问到可有跟「安心事件」女主角黄心颖联络？安仔没有避谈，神态自若回答说：「冇喇，以前嘅嘢过去咗，大家畀啲时间我，我都明白一时间要大家接受系需要啲时间，但有信心每一步都做得最好，过去嘅由得佢过去，对我系一个错误、伤痕，我唔会忘记。当每次我睇到呢啲伤痕，我会更加警醒自己，提醒自己，未来要做得更好。」对于马国明也有新恋情，安仔表示有看报导，但感情由对方自己讲。