【汤马恋】见过双方家长 马国明自爆无避忌成日撑枱脚

马国明与汤洛雯认恋后，今早返电视城开工。谈到昨晚被拍到拍拖断正，二人均神态自若，马明说：「系啊！我地好自若㗎！因为之前有共识，几时影到几时讲，无端端自己讲又觉得好奇怪，好似做新闻咁。所以有呢一个共识，我哋都无避忌，其实我哋喺公司成日食饭，大家开紧工但系隔离厂。如果心水清会觉得奇怪，佢又放低剧组，我又放低班剧组，两个人一齐食饭。咁无咩人问，我哋咪继续罗，从来都无避忌。」

获赞此共识相当成熟，变相关系亦十分成熟。马明说：「所以我都话，觉得系几啱嘅一个人，大家私底下都觉得几啱，所以先有呢个共识。如果大家好唔明确嘅话，当然唔会有呢个共识啦！我都年纪唔细啦，我成日都话唔会呃大家，系几时到个位置。」

虽然马明口说发展中又开始不久，但他们都见过双方家长。问到靓汤会否是结婚对象？马明说：「其实我每一次都系谂下一步，我唔系拍散拖嘅人，从来都唔系，我唔会为拍拖而拍拖，唔会搵个人嚟消磨时间。将来睇下点啦，当然将来大家都唔知，但暂时觉得大家可以开展嘅对象。」问到妈妈是否开心又满意靓汤？他说：「带过佢返屋企食饭，妈妈都几锺意佢。」

提到前度黄心颖以讯息回覆传媒：「我祝福佢身体健康、平安。佢私人嘅事留返畀佢私人。」马明说：「多谢佢，我真系好多谢佢。希望佢快啲搵到另一半，开开心心。」