前度马国明同好姊妹挞著 酸爆黄心颖送上祝福
2020-06-13 11:00 
「安心偷食事件」后，扬言绝对唔会再搵贪慕虚荣「港女」嘅马国明，痛定思痛，经过一年多精挑细选下，终于同黄心颖好姊妹，33岁上位小花汤洛雯暗挞两个月，现年46岁钻石笋盘马明终于封盘。旧爱黄心颖短讯回覆，大方向马明送上祝福：「我祝福佢身体健康、平安。佢私人嘅事留番畀佢私人。」
黄心颖喺「安心事件」后去咗美国避世8个月，有指心颖喺美国期间，曾多次向马国明发短讯及以视像电话箍煲，马明都一度有心软过，只不过遭马明妈妈极力反对，孝顺仔听阿妈话决定斩缆，后来才改以「朋友」来形容同心颖关系。心颖人财两失，即使返港后依然未能「解冻」重见天日，唯有拍些带有正面讯息嘅片放上网保持人气，兼且乘机洗底。
无论剧集及男友，黄心颖被好姊妹汤洛雯全面接收！唔少网民戥马明搵到真爱感到开心，送上祝福说，「祝福两人无风无浪，恩爱到老！」亦有大赞两人好合衬外，有网民抵死留言：「千祈唔好学啲姣婆，人前一个样，人后偷食人夫。」睇嚟始终原谅唔到黄心颖嘅过去。
關鍵字
最新回应