翻唱新歌《呼吸有害》 糖妹获莫文蔚贴文鼓励坚开心：feel so warm

莫文蔚（Karen）最近为TVB剧集《飞虎之雷霆极战》唱的主题曲《呼吸有害》，近期反应不俗，除了连友台ViuTV的《Chill Club 推介榜》都荣登亚军外，其他后辈歌手一样好锺意，好似糖妹就即时喺社交平台唱咗个Cover，唔单止吸到2万8千多个Like，连Karen都有睇，仲即日喺自己社交平台回应：「自弹自唱好好听喔！有机会我们可以一起唱～」此举当然令到后辈糖妹受宠若惊，第一时间放上社交平台开心share，留言：「我真的好开心呀呀呀呀呀多谢Karen嘅鼓励，feel so warm」除了当事人开心，其他歌手同艺人都好羡慕，好似林奕匡同杨潮凯都分别简单话：「哇！」及「Wow」。