难得同老友梁荣忠合体 李克勤被催两人再合作

李克勤和梁荣忠向来合作无间，私家亦是出名的好兄弟，虽然佢哋近年冇咩合作机会，克勤主力返内地开骚搵真银，忠仔就转到电台同舞台剧界发展。正所谓朋友系要见嘅，呢日两人难得抽到时间见过面食餐饭，当然要同家分享吓啦！仲即时勾起网友无限回忆，大家即时开番个怀旧Mode，首先梗系会提返两人2005年拍档主持的《残酷一叮》；同埋1998年佢哋唯一一套合作嘅时装剧《师奶强人》。不过有网友就好鬼马话：「咪叮走我」、「忠哥灰发好靓仔」亦有网友关心两人仲会唔会再合作，「会唔会再有残酷一叮？」、「又搵梁导演拍MV吗？」。虽然两人未有好消息公布，好似克勤留言度写住：「喂！老友！」咁就咩都有可能啦！