【头条独家】结婚冇时间表 嫁得必公开 邓丽欣同王子分隔两地靠忍

邓丽欣（Stephy）拍过无数爱情片，最近肯再参演《金都》，因故事平淡得来够写实，令她有丰富发挥空间。她饰演的「张莉芳」是个怕做抉择的人，包括对婚姻和爱情，原来有着她以往影子，不过现在她已学识了解自己，更加不会对结婚有任何时间表，但有好消息必定会公开。讲到疫情下跟男友王子（邱胜翊）分隔两地，她笑指也冇辧法，唯有忍吓。撰文：杜淑霞 摄影：李维隆 形象：Queenie Yu 发型：Vince Pang @ IL COLPO group 化妆：Cyrus Lee 服装：Isabel Marant、Rene Caovilla

未看《金都》剧本前，Stephy有犹豫过是否接拍，一来不想重覆以住爱情作品，亦不想辜负观众对她期望，不过看过剧本肯定要接拍，「我睇咗剧本非常锺意，唔系我想像嗰种爱情故事，亦系香港电影好耐，或者比较少有咁真实坦然嘅爱情故事，当然睇文字系觉得有啲平淡，冇乜高低起伏，唔系好戏剧化，但真实投入落去，讲人性，好贴近生活会好好睇，同埋会更加有发挥空间。」

戏中Stephy演的「张莉芳」是个怕做抉择的人，她坦言某程上跟以往自己很相似，不过随着人生阅历增加，以及学识审视自己，现在她好清晰对婚姻的态度，「我好清晰，我自己有自己嘅一套。以前细个时你哋传媒成日问我，几时结婚、生小朋友，呢啲问题对我嚟讲系个框架，我愈嚟愈觉得唔应该畀框架框住人生嘅schedule，人生应该冇乜schedule更加开心啲，唔应该一定话几多岁或者行到几时做啲乜嘢，我觉得所有嘢都系当下，我依家认为当下快乐最紧要。（所以短期内等你畀好消息我哋，好过不停追问你？）系呀！唔使追问㗎！我有亦都唔会收埋，我会话畀大家听。」




Stephy跟王子拍拖两年感情稳定，除了疫情外平日都经常各有各忙分隔两地，究竟如何维系感情呢？「都系嗰啲方法，facetime嗰啲，依家已经好好有科技日日都见到面，可以视象见面，如果工作都系冇办法啦！大家呢行都明白，尤其是依家疫情亦都冇辧法，大家都知道，唔只系我哋，全世界都面对呢个问题嘅时候，唯有忍一忍罗！哈哈！大家互相明白咪得罗！