花六小时学煮日式素食陈贝儿孖梁咏琪搞到腰酸脚痛

2020-06-09 11:00

陈贝儿(Janis)及梁咏琪(GiGi)唔止系高妹，仲对西式甜品好有兴趣，之前Janis修遥距的法国糕饼艺术文凭课程，考获有关专业资格，得到这个资格可以在法国当厨师，甚至是开餐厅。至于「索妈」梁咏琪喺疫情下，月前带埋5岁囡囡Sofia造访高级酒店厨房，两母女戴上口罩，在大厨指导下与Sofia合力炮制曲奇。

好啱key嘅Janis喺GiGi介绍下，之前结伴齐齐学做传统日式素食，两人认真学咗6小时，弯身又洗又切，合共做咗两个汤、三个头盘、一个主菜、一味甜品。虽然腰酸骨痛，但好有满足感，昨日Janis喺IG发文说：「愈来愈发觉快乐系源自于健康，多谢gigi介绍我去学传统日式素食#精进料理。喺厨房度6个钟头不停洗洗切切、煎煎煮煮炸炸。其实烹饪唔单止系兴趣，更加系一门修行。最后合力完成了两个汤、三个头盘、一个主菜、一味甜品。虽然腰已酸、脚已痛，但系十分充实开心又满足！

西方文化常言道：you are what you eat。其实只要照顾好当下每个念头，就会发现连煮饭食饭都系一种修行。」

她还hashtag#同学仔都笑我哋两个高妹喺厨房度乌低身咗成日#腰酸背痛#炉头和洗碗盘都不是属于高妹的#就算未能日日都食得咁清未能食全素都尽量多菜少肉，最后附加补充：「精进料理系唔使用肉类或鱼类，依循四季用「当季」食材烹煮而成嘅料理。在6世纪时，精进料理伴随佛教由中国传入日本，起初系为修行僧侣所准备嘅餐点。时至今日，对日本饮食文化感兴趣嘅人逐渐增多，精进料理也随之受到来自世界各地的瞩目。」

网民留言「整得开心，食得健康、健康生活」、「快乐泉源、贝儿愈来愈美，心善人美」、「日式法式你都玩晒，劲呀！」