唐诗咏贴中三旧照　王浩信回应引网民催拍《不懂撒娇》续集

唐诗咏跟大队近日宅在家冇乜嘢做，执居成为打发时间最佳方法。呢日她就翻出旧相，贴出中三时同朋友去沙滩玩留影，并留言：「翻开旧照片发现中三的我　然后　影咗15分钟都系好朦　最后发现原来张相用咗磨砂过胶　究竟边个发明磨砂过胶咁聪明　佢就好比今日嘅美图秀秀　系咪因为咁　个人立刻白雪雪咗呢」相中见到她着住牛仔衫裤加上一头清爽短发，虽然打扮相当男仔头，但清纯靓样已经现雏形。网友亦大赞她：「由细靓到大！」不过最惊喜是好拍档王浩信亦有留言：「Saving哥当年喺ICQ约咗佢但系最后冇出现嘅嗰个人……不懂撒娇的女人之 番外篇」之后唐诗咏再回应：「佢挂住上网打机，有出到去」即时搞到网友好兴奋，纷纷叫他们快啲开拍续集，其实继《不懂撒娇的女人》后，两人早前已再合作过《解决师》，一样好受欢迎，相信再合作应该一样有捧场客。