【头条独家】跟导演齐赞温碧霞亲切陈汉娜演咀嘴戏配音最尴尬

2020-06-03 19:27

陈汉娜（Hanna）跟导演李卓斌最近在电影《堕落花》第二度合作，两人都觉得继《Ｇ杀》后，令这次合作更有默契。两人对于跟温碧霞首度合作都赞不绝口，认为对方不单全无架子，而且好易沟通，而跟对方有咀嘴戏的Hanna就自爆拍摄时本来完全冇尴尬，反而是配音时再扮锡锡声变得更加尴尬。撰文：杜淑霞摄影：李维隆场地：英皇戏院(尖沙咀iSQUARE)

导演李卓斌及Hanna都是首次跟温碧霞合作，李卓斌这次更为温碧霞度身订造剧本，虽然温碧霞对突破角色很易接受，不过造型上仍要花时间跟她沟通，譬如要全戏穿黑色衫，「呢方面落咗好多苦功，同佢沟通咗好耐，佢过往有好多固定嘅想法，要打碎佢呢啲谂法。不过，拍咗第一日佢对我哋已经有信心。」

讲到温碧霞，Hanna亦好开心遇到这样好的前辈，「喺《堕落花》入面都系同佢最多对手戏，好彩，佢个人本身好温柔，好take
care我，譬如开头大家未认识去围读剧本，佢会好主动问吓我嘢，我系个唔系好主动嘅人，反而佢系个几主动同人倾偈嘅人，所以呢点好好，令到我冇咁紧张，去到现场佢又会同我讲吓唔同嘢，佢又好温柔，变咗对戏嘅时候唔需要谂太多嘢，大家好放咁去做。」故此拍Hanna跟温碧霞的亲热戏，她完全冇觉得尴尬，直到去到配音时，「其实同女仔拍呢啲戏点都舒服啲，冇咁就住，我哋唔系沟通咗好多次就埋位，大家冇乜所谓，唔会觉得唔舒服。其实呢啲场面睇番先尴尬，因为你拍时自己睇唔到，到我去配音嘅时候，哗！哈哈！好尴尬，仲要扮番啲锡嘅声就最尴尬。」