为减肥密做运动 JW同男友行山偶遇发哥

正所谓上得山多终遇发，好多艺人或者香港人去行山都成日撞到周润发，撞到发哥当然就系合照然后放上网耀武扬威，最新晒命艺人有JW，因为呢期抗疫肥咗唔少，几厚肉嘅佢决心搣脂，做运动加戒淀粉质一星期，佢话减咗两磅，认真恭喜晒。

今日佢同富贵男友Tarzan及张艾嘉囝囝Oscar一齐去行山，然后撞到发哥，睇吓JW讲咩:「发哥真系好好人呀， 好锺意好锺意佢呀，咁早一齐行山乜都抵呀。」究竟发哥对佢做咗咩令佢觉得对方好好人?JW Post相到IG后，林德信、锺舒漫及林奕匡都表示惊讶及羡慕，相信全民上山撞发哥不是梦。