【依然好瘦】520 晒全家福宣布再陀B　陈凯琳：Rafa好快就做哥哥

恭喜郑太再做妈咪喇！

现年28岁的陈凯琳（Grace）与郑嘉颖于2018年结婚，并于去年情人节诞下儿子郑承悦（Rafael），前日就有消息传出Grace两年抱两，再度怀孕！事后，郑氏夫妇都一直没有蒲头否认，一班「鐡马家族」兄弟姊妹则齐齐封口，好友唐诗咏日前仲好惊讶称：「有冇咁快？没可能！」殊不知趁住「520（我爱你）」这个甜蜜日子，两公婆今日就分别于社交网正式宣布喜讯，并贴出多张夫妻及「一家四口」的幸福合照，Grace写道：「Rafa好快就要做哥哥啦~ 好开心可以喺『520』宣布我哋家庭将会多添一个新成员！喺呢段日子好感激我老公嘅细心照顾，亦都要多谢屋企人同朋友帮我保守呢个秘密同时送上充满爱嘅祝福畀我哋！感恩收到 @k11artus 呢份baby-staycation 嘅礼物～ 每朝起身可以行出露台，望住美丽嘅海景，真系好享受！希望BB出世之后同哥哥一样咁健康，咁有活力！God Bless！（P.s. I really think Rafa is going to be an amazing big brother! Don’t you agree?）」

相中，身穿泰山膊连身裙的Grace虽然怀孕，但面部与手臂依然纤幼，腹部则已微微隆起，她更与老公甜蜜相拥、鼻掂鼻，认真闪爆！随后嘉颖也出Po：「Rafa is going to be a big brother soon!」一众圈中好友龚嘉欣、谭开琪、张继聪、李亚男、蔡思贝等纷纷送上祝贺，龚嘉欣更留言：「我们都很开心，又多一位成员来到你们这个充满着超级多爱和温暖的家庭，感动。」咁感动不如自己快啲结婚生番个啦！