【好勇】做节目试饮坑渠味「镬底水」 岑杏贤饮到呕

岑杏贤（Jennifer）及郭田葰今日出席《恐怖真相》记者会，Jennifer为节目做「白老鼠」试酒精及「镬底水」，更因试足7种「镬底水」而呕吐大作。她说：「唔同质料嘅镬煲出嚟嘅水会唔同味，有啲系生铁味，甚至有啲系坑渠味，真系饮到呕！拍完节目即刻换晒全屋嘅厨具，连男友屋企嘅厨具都换晒！」讲到同居就可以悭返一套，Jennifer答得爽快，「系呀！可惜已买咗两套，我哋都有呢个计划。」至于会否跟男友一齐买楼？她就说要从长计议。问到会否快过旧爱袁伟豪结婚？她说:「结婚唔应该同其它人比较快慢，我都唔知道佢系咪结婚。」

此外，医科毕业的郭田葰表示疫情期间化身「人肉诊所」，不少朋友均会请教他，由平日10个「问诊」短讯增至2至30个。对于日前无綫新闻误报复课日期，区永权亦「中伏」而在网上开帖求证，笑问是否被无綫新闻呃了？他说：「唔算呃，作为家长对复课一事紧张好正常，睇到新闻后即上网求证，知道唔系就OK，因为系咪复课都有好多事要处理。」

区永权坦言由2月开始24小时面对两位儿子，虽然学费照交，但教育重任全落在家长身上，幸好自己有耐性及EQ，父子关系才不致变差，更自诩普通话及英文也变好了！