星岛日报

母亲节开live献sing 张兆辉获赞系乐坛新人王

2020-05-11 09:00
辉哥昨晚母亲节开live《献Sing》。
辉哥昨晚母亲节开live《献Sing》。

张兆辉系圈中好爸爸、好老公及好儿子,藉着昨日母亲节,昨晚他喺一间餐厅内开live《献sing》,送给89岁年老母亲嘅母亲节礼物,开live接近1小时,facebook吸引2万多人次浏览,香港、星马、美加、澳洲、越南等fans都大派心心。今次演出,辉哥好认真同用心㗎,仲搵埋Ben老师现场伴奏。

辉哥昨晚母亲节开live《献Sing》。
辉哥昨晚母亲节开live《献Sing》。
辉哥开live,送《念亲恩》畀妈咪听
辉哥开live,送《念亲恩》畀妈咪听

辉哥说:「今次主角系阿妈,有呢个构思,系因为两年前大仔18岁生日,喺现场唱过《念亲恩》,当时妈妈听到手舞足蹈,好开心,既然妈妈乜都有,不如现场送呢首歌佢听,表扬做母亲伟大,系份心意嚟啫。」除咗演绎《念亲恩》畀妈咪外,辉哥又拣咗唱许冠杰的《父母恩》、《月亮代表的的心》、《一生中最爱》,甚至大唱闽南歌《爱拼才会赢》等。期间有fans即席点唱《偏偏喜欢你》来考验他,辉哥成功过关,更被大赞唔单止演戏好,唱歌都有水准,有人留言听到缺氧、赞他系2020年新人王、可以出唱片、可以唱吓剧集主题曲...辉哥笑说:「咁大家补颁个奖畀我。」因为反应相当热烈,有人要求他今年父亲节再开live唱过,辉哥笑说:「咁要人哋唱返畀我听喎!」

辉哥开live,送《念亲恩》畀妈咪听
辉哥开live,送《念亲恩》畀妈咪听
现场有埋老师伴奏,好认真。
现场有埋老师伴奏,好认真。

另外,唔少fans话辉哥very handsome,同郭富城一样咁fit,辉哥笑说:「ok嘅,系件衫窄啫!系时候要保持体能喇!因为5月底会接拍电视剧《飞虎3》,到时应该会好热,所以型要付出代价嘅!」

辉哥系圈中好男人,相当照顾家人。
辉哥系圈中好男人,相当照顾家人。
儿子18岁时,妈妈现场听辉哥唱《念亲恩》,听到手舞足蹈。
儿子18岁时,妈妈现场听辉哥唱《念亲恩》,听到手舞足蹈。
有网民形容辉哥同城城一样咁型。
有网民形容辉哥同城城一样咁型。
辉哥5月底拍《飞虎3》。
辉哥5月底拍《飞虎3》。

最新回应

關鍵字

相關新聞

热门文章