母親節開live獻sing 張兆輝獲讚係樂壇新人王

2020-05-11 09:00
輝哥昨晚母親節開live《獻Sing》。
輝哥昨晚母親節開live《獻Sing》。

張兆輝係圈中好爸爸、好老公及好兒子,藉着昨日母親節,昨晚他喺一間餐廳內開live《獻sing》,送給89歲年老母親嘅母親節禮物,開live接近1小時,facebook吸引2萬多人次瀏覽,香港、星馬、美加、澳洲、越南等fans都大派心心。今次演出,輝哥好認真同用心㗎,仲搵埋Ben老師現場伴奏。

輝哥昨晚母親節開live《獻Sing》。
輝哥昨晚母親節開live《獻Sing》。
輝哥開live,送《念親恩》畀媽咪聽
輝哥開live,送《念親恩》畀媽咪聽

輝哥說:「今次主角係阿媽,有呢個構思,係因為兩年前大仔18歲生日,喺現場唱過《念親恩》,當時媽媽聽到手舞足蹈,好開心,既然媽媽乜都有,不如現場送呢首歌佢聽,表揚做母親偉大,係份心意嚟啫。」除咗演繹《念親恩》畀媽咪外,輝哥又揀咗唱許冠傑的《父母恩》、《月亮代表的的心》、《一生中最愛》,甚至大唱閩南歌《愛拼才會贏》等。期間有fans即席點唱《偏偏喜歡你》來考驗他,輝哥成功過關,更被大讚唔單止演戲好,唱歌都有水準,有人留言聽到缺氧、讚他係2020年新人王、可以出唱片、可以唱吓劇集主題曲...輝哥笑說:「咁大家補頒個獎畀我。」因為反應相當熱烈,有人要求他今年父親節再開live唱過,輝哥笑說:「咁要人哋唱返畀我聽喎!」

輝哥開live,送《念親恩》畀媽咪聽
輝哥開live,送《念親恩》畀媽咪聽
現場有埋老師伴奏,好認真。
現場有埋老師伴奏,好認真。

另外,唔少fans話輝哥very handsome,同郭富城一樣咁fit,輝哥笑說:「ok嘅,係件衫窄啫!係時候要保持體能喇!因為5月底會接拍電視劇《飛虎3》,到時應該會好熱,所以型要付出代價嘅!」

輝哥係圈中好男人,相當照顧家人。
輝哥係圈中好男人,相當照顧家人。
兒子18歲時,媽媽現場聽輝哥唱《念親恩》,聽到手舞足蹈。
兒子18歲時,媽媽現場聽輝哥唱《念親恩》,聽到手舞足蹈。
有網民形容輝哥同城城一樣咁型。
有網民形容輝哥同城城一樣咁型。
輝哥5月底拍《飛虎3》。
輝哥5月底拍《飛虎3》。

最新回應

關鍵字

相關新聞

熱門文章