【睇裤头做人】晒自家制梅酒礼物李司棋唔敢放纵饮食

2020-05-05 10:30

化身「IG达人」嘅李司棋，喺社交平台上经常有update，分享生活点滴，包括带住太阳眼镜喺家中小花园，叹住自家制嘅冰冻梅酒，悠然自得嘅抗疫生活。见司棋姐身边放咗两瓶日本南高梅及宫崎青梅梅酒，一脸满足，她笑说：「两瓶梅酒唔系我整嘅，系个好有心，跟咗我10几年嘅『妹妹』整畀我做母亲节礼物，佢去日本买咗啲梅，浸咗一年㗎啦，我有浅尝过，梅酒真系好香，佢咁乖咁送酒畀我，我梗系要去演吓嘢啦。哈！因为浸多一年会更加出味，所以决定放多年先饮，暂时唔舍得饮佢住。」

司棋姐又话，呢段时间喺屋企饮饮食食，但到咁上下年纪，唔可以太放纵，要睇住条裤头做人：「我要减肥啦，唔可以饮咁多酒啦！」