【头条独家】人生低潮全靠老友陪伴 林欣彤感激许廷铿

2020-04-28 23:00
喺重要时刻,林欣彤总有「大哥哥」许廷铿陪伴。
喺重要时刻,林欣彤总有「大哥哥」许廷铿陪伴。

林欣彤(Mag)推出新歌《亲爱的巨人》,希望向一直守护她身边的林爸爸、「哥哥」许廷铿(Alfred)及「闺蜜」陈慧敏(Vivian)等致谢,同时表达好想有能力做返他们的「巨人」,大家互撑,搵另一半都要好似林爸爸咁,要好有安全感。采访:方骞平

喺重要时刻,林欣彤总有「大哥哥」许廷铿陪伴。
喺重要时刻,林欣彤总有「大哥哥」许廷铿陪伴。
去年Mag开个唱邀得林爸爸上台开金口。
去年Mag开个唱邀得林爸爸上台开金口。

签约华纳唱片近一年,林欣彤先后出了4首歌,就算喺疫情之下,仍推出新歌《亲爱的巨人》,好受重视。Mag开心说:「新歌系为我嘅『巨人』打气,好好彩,除咗爸爸、许廷铿及陈慧敏外,我身边仲有好多『巨人』,好似细佬、妈咪、朋友、Fans等,不过,佢哋都有软弱嘅时候,我都想有能力撑返佢哋,呢首歌系由洪嘉豪作曲,陈咏谦填词,正好写出我心声。」

林爸爸同林欣彤一齐拍新歌《亲爱的巨人》MV。
林爸爸同林欣彤一齐拍新歌《亲爱的巨人》MV。
陈慧敏系林欣彤闺蜜,两人尽在不言中。
陈慧敏系林欣彤闺蜜,两人尽在不言中。

Mag表示由细到大都好依赖爸爸,为免家人担心,所以会报喜不报忧:「好唔开心就想静落嚟,人愈大愈少同人倾诉,可能怕交待,所以喺家人面前会收收埋埋装开心。不过,自从去年爸爸做过我演唱会嘉宾,再加上今次拍埋我新歌MV,接触过我工作,见同事照顾周到就放心得多。」对于经历过两次失声低谷,Mag坦言成长咗,「学识放过自己,唔好对自己太苛刻,要好好享受唱歌。」她又指出,唔开心时好需要身边人明白同陪伴,「有段时间我同陈慧敏一齐住,有次唔开心踎喺地下喊,佢乜都冇讲,踎喺地下陪我喊咗好耐,扫吓我,咁样经已好好多。至于许廷铿好似我哥哥咁,两次失声后返上舞台都系由佢陪住我,上年开第一个售票演唱会前我好担心,佢分享经验畀我,坦言有呢啲情绪好正常,讲完后令我个心定返好多,畀咗枝强心针我,所以我好感激佢。」

林欣彤减压方式之一,就系同胞弟去放狗。
林欣彤减压方式之一,就系同胞弟去放狗。
两年前失声的林欣彤戴住口罩,由工作人员陪住出街。
两年前失声的林欣彤戴住口罩,由工作人员陪住出街。

最新回应

關鍵字

相關新聞

热门文章