人仔细细好为食 黄泽锋囡囡初尝雪糕好滋味

去年7月，黄泽锋太太以52岁高龄成功诞下囡囡熙恩（乳名小黄妃），眨吓眼小黄妃差两日就9个月大啦！泽锋和太太陈丽丽自从爱女出世，专登开通咗个社交平台分开囡囡生活点滴和得意样，呢日就放咗段片，见到小黄妃初尝雪糕个滋味样，其实早两日已有小黄妃揸住支甜筒露出甜笑，个期待样出晒嚟，已经超得意，今日睇见她真系有得食甜筒，真系望到都觉得好味呀！其实有留意开，都知小黄妃系为食妹一名，所以随咗佢愈来愈大，相信泽锋和太太都会畀佢试多啲唔同美食。