星岛日报

【头条独家】演惯兄妹太入肉 蒋家旻罗天宇扮情侣劲尴尬

2020-04-05 20:40
天宇和家旻讲到两人扮情侣尴尬,大家都忍唔住劲笑。
天宇和家旻讲到两人扮情侣尴尬,大家都忍唔住劲笑。

罗天宇和蒋家旻最近拍档演出,麦秋成自编自导自演爱情微电影《恋恋季节—冬至篇》,他们演兄妹就演得多,估唔到扮情侣反而会尴尬。对于跟绯闻男友麦秋成合作,蒋家旻坦承都有担心,但对方不怕自己亦冇所谓。今次在日本鸟取拍摄虽然时间紧迫,每日只得3、4小时休息,但他们不觉得辛苦,只是罗天宇差点上不到飞机返港开工,结果坐了一程贵过飞机的士。撰文:杜淑霞 摄影:李维隆 发型:Jay Cheung @ Hair(蒋家旻) 服装:Amelie Street(蒋家旻) 场地:Wahaha Partyroom

其实天宇和家旻外形好合衬,扮情侣完全冇违和感。
其实天宇和家旻外形好合衬,扮情侣完全冇违和感。
拍这场戏斋扮sweet冇对白,两人都估唔到要NG。
拍这场戏斋扮sweet冇对白,两人都估唔到要NG。

天宇和家旻在《爱回家》演了3年兄妹,实在太入屋,所以当麦秋成找他们演情侣时,都觉得对方好大胆。他们都以为咁熟演情侣会好顺利,想不到竟然尴尬。天宇说:「拍时阿成行开咗,cam man就畀啲指示我哋做啲Sweet动作,我哋两个超级尴尬。」家旻再补充,「总之导演唔喺度就好尴尬,导演返嚟嘅时候,就话冇一个shot用得,要再嚟过,哈哈!」

微电影中,家旻和绯闻男友麦秋成一样有不少谈情戏。
微电影中,家旻和绯闻男友麦秋成一样有不少谈情戏。
去鸟取沙丘取景,家旻继续落力做打杂,狂风下帮手攞水靴。
去鸟取沙丘取景,家旻继续落力做打杂,狂风下帮手攞水靴。

超级打杂
在鸟取拍摄时,虽然好赶好辛苦,但天宇大赞有家旻变身超级打杂照顾大家,「佢喺有空档时,就去帮大家处理所需,有啲剧照佢喺侧边帮手影相,仲会买嘢食,真系好贴心。」家旻补充说:「我仲买埋个Lunch畀你赶飞机上车食,我自费㗎!(阵间畀番你)」原来当日天宇拍到差点赶不到飞机,家旻说:「本身安排佢坐JR,最后over到大家研究究竟买过张机票,定系call的士送佢去大阪机场,但系嗰程的士系够搭两程飞机,好贵!导演好有钱,佢话『我畀』,盛惠7万yen!(约5千港元)」问到家旻是否爱绯闻男友麦秋成,所以特别落力,她即澄清,「系呀!友情的爱!(怕唔怕绯闻加剧?)冇人写咪唔加剧罗!佢搵我时我好快应承咗,但系应承完我都有谂过,唔会觉得有绯闻好怪㗎咩,呢头出完单新闻嗰头搵我拍喎!咁佢自己又OK冇乜所谓,我咪冇所谓罗!」

天宇和家旻12至15年连续3年在《爱回家》演兄妹。
天宇和家旻12至15年连续3年在《爱回家》演兄妹。

最新回应

關鍵字

相關新聞

热门文章