【被爆背妻偷食】不满遭追访报警 戴志伟冇戴口罩爆粗闹记者

戴志伟昨日被爆背妻偷食，一直未有就事件回应，他今早11时30分驾车离开寓所，没有戴上口罩，他驶到回旋处发现记者，就驶到旁边屋苑的避车处，一下车就爆粗闹记者并表示会报警，又问记者为甚么跟著他？之后上车拿电话反拍记者。
当记者问他可否接受访问时，戴志伟即一轮嘴再闹：「我唔倾呀！你哋咩人嚟㗎，搞我，骚扰我，攞个记者证畀我睇，我告你哋滋扰我呀！你哋咩记者，畀个证我，如果你哋假冒记者就报警拉你哋！做咩缄默唔讲嘢？我即刻打999！」期间用电话拍下记者车的车牌和样子，又截住记者车不让离开，「你哋影响我的生活，我有咩事有咩问题？你哋成班败类，我得罪你哋乜嘢，你哋唔喺人！」
戴志伟又向围观途人表示，「呢啲就系香港传媒X周刊，你哋骚扰我家人，去到边都跟住，你哋记住千万不用睇X周刊，我依家报警，你哋唔好走，佛都有火！你哋拍片就要全部播出，我喺戴志伟！你哋侵犯我私人的私隐，你哋全部不敢以真面目示人，我无戴口罩，光明正大！你睇你哋对眼，会内疚，打个几千蚊工，如果传媒跟踪你家人得唔得？你哋班垃圾，唔喺人！」期后警车来到，警察登记个人资料后放行，戴志伟就驾车离开，事件扰攘约20分钟。