【头条独家】告别作《法证先锋IV》收视劲 梅小青望黄心颖有重生机会
2020-03-17 19:33 
梅小青监制的告别作《法证先锋IV》收视高开，首集收视达35.7点，成为近年高收视剧集之一。梅小青认为系台前幕后努力嘅成果，除咗主角，就连瞓尸袋嘅黄祥兴、谢芷伦及因滥药失理智着Bra top演出的赵璧渝都相当尽力，更坦言以戏论戏，黄心颖都系称职演员。采访：方骞平
梅小青自言剧有剧运，加埋全体人员合作性造就了《法证IV》完美嘅结局。问到黄心颖事件令剧集要重拍，系咪美中不足？小青姐反而由好处去看呢件事：「从影咁多年未试过易角再拍嘅case，退休前都畀到一个好好嘅体验，好似朱晨丽拍紧《大酱园》，发型唔可以有改动再补拍，只好修改剧本，既要接得返啲戏，又不失原有嘅嘢，部份场口搵人做佢替身，正面攞得返佢嘅片，所以只cut咗佢2至3场戏啫。有啲片其实心颖坐咗喺度嘅，只系用特效将佢抹咗，由演员再接返动作及对白，因为都有好多大场面系冇办法拍得返，唔舍得将一啲演员剪走，唯有靠无缝剪接。」
赞好演员表现佳
谈到演员表现，小青姐说：「虽然汤洛雯顶替重拍好紧张，压力好大，但见住佢愈拍愈好。至于李施嬅做法医对白念得好纯熟；炜哥讲对白抑扬顿挫、好清晰；谭俊彦、朱晨丽等每个演员都好努力；黄浩然仲相当配合畀期重拍，其实黄心颖都系称职演员，佢拍任何剧都好认真，尤其笑容甜美可以做锺嘉欣第二，本身有咁好前途，犯错受到好大嘅惩罚，都希望佢日后有重生机会。」
關鍵字
最新回应