自认麻烦友难服待 黄浩然唔打扰黄心颖：佢自己可以复元到

黄浩然受访电台节目《旧日的足迹》，看似活泼好动的浩然在节目中坦承自己是个沉闷的人，虽然就读大学时是跳舞学会主席，以往都很高调，但现在回想起自己都想作呕。当年毕业后，他只想找份安稳工作过一生，谁知竟有缘遇上师傅杜琪峯，并参演了电影《十万火急》，从此踏上星途。

黄浩然谓首见自己现身大银幕非常有满足感，自此令他醉心梦工场。可惜浩然入行后，香港电影走淡，他转战电视界，由不知天高地厚的「死𡃁仔」，到担当男主角。浩然对最近热播的《法证先锋IV》寄望甚殷，他更谓：「为咗有更好嘅演出，我重温咗之前三集《法证先锋》（系列）。小青姐（监制梅小青）要求好高，人人拍古装都唔敢畀佢望太耐，因为个妆随时要从头执过……佢（小青姐）事事亲力亲为，验尸咁验。今次剧本好精细，演员要95%跟晒台词，唔系人人都食得起，我当然不敢怠慢，食饭、瞓觉、上洗手间都在背台词，我依家发音标准咗好多。」

被问及该剧与黄心颖的戏份要重拍会否感到可惜？浩然表示：「当时都担心套剧出唔到街，幸好有三个好彩：好彩公司畀咁大资源重拍呢部份；好彩所有演员都有期；好彩我未剪短头发……其实同心颖合作好好㗎！系好愉快嘅经验。」他又谓：「依家由汤洛雯（阿汤）补上，我争取同佢排戏，仲喺去台湾拍外景嘅前两日，我哋排晒戏先出发，现场一气呵成，其实阿汤都好有经验。」浩然希望观众将焦点放在阿汤的努力上，因为其角色十分复杂，要演绎多种不同层次的内心状态，确实花了不少功夫。就黄心颖早前返港，浩然谓：「我大男人一个唔会骚扰佢喇！如果佢要约我哋随时欢迎，佢应该自己可以复元到嘅！」

浩然表示虽然在电视台从未得过大奖，但非常感恩曾尝试演过很多不同角色。他在电影圈也有情意结：「就系希望师傅杜琪峯唔好咁快退休，我要做佢一套戏嘅男主角。我依家系电影圈新人，希望同新一代擦出火花，我要落力去做，取得观众认同才算任务圆满。我一直觉得自己系『麻烦友』，连太太都话我难服侍，其实我已经改咗好多，我嘅字典系你唔锺意我，都唔好憎我！仲有，六年前因大病失掉《张保仔》主角之后，我更加明白家庭与事业取得平衡仲未足够，要家庭、事业同健康三线并行先算成功！」