落雨行山全身湿透　陈晓华晒性感跌膊Look呃Like

近日，不少市民为「避炎」都选择到郊外呼吸新鲜空气，行山亦成为圈中人最爱的活动之一，昨日就轮到2018年港姐冠军陈晓华（Hera）与闺密上山打卡，岂料天公不造美，一行人爬了三分一路程便开始落毛毛雨，众人谂住快快行埋落山之际，点知仲突然倾盘大雨，搞到Hera全身湿晒，她昨晚亦于社交网出Po分享狼狈过程：「行足差唔多个几钟落山都系同大雨渡过，见到身边好多人跌亲，行到呢度终于终于终于停雨，但已经差唔多行完，所以全身都系湿，连头发都系，我只系想话，妇女节快乐。」

虽然天雨路滑，又由头湿到落脚，但Hera都不忘边行边自拍纪录一下，其间好似拍洗头水广告咁，对镜头狂揈湿立立的头发，不过似乎她们全程都冇戴口罩。之后见雨势减弱，仲即刻坐喺山边栏杆，叫老友帮手影番张呃Like相，穿上Sports Bra的她更特登将件外套拉低变「跌膊Look」，认真香艳，连好友江嘉敏都忍不住留言：「做乜着咁少！冇我喺到唔准呀！」此外，不少网友也留言大赞Hera索：「健康嘅性感，雨中嘅阳光」、「咁好身材」、「二度发育⁉️！？」等。