【头条独家】乐瞳姜文杰盼鼠年圆梦 李璨琛望为囡囡出写真行善
2020-02-13 23:15 
李璨琛（Sam）跟乐瞳和姜文杰（Benji）去年首度合作新戏《大盗演》，虽然是他们初次正式合作，但全程在泰国曼谷取景气氛特别愉快，令猪年过得更圆满。展望鼠年，Sam除了想实践导演梦外，更想靠囡囡元元（Lucy）人气行善帮助有需要的人；而乐瞳就想圆老板梦搞网上美容生意；至于Benji就想圆音乐梦制作歌舞电影。撰文：杜淑霞 摄影：李权威 场地：Cubus
身为《大盗演》监制的Sam希望观众锺意之馀，唔好当纯笑片去睇，「留意番我哋拍呢部戏嘅初心，其实系部好励志嘅电影嚟。」作为执行监制的Benji亦好认同，「虽然系喜剧，但系我哋拍得好认真，每个角色代表住不同岗位嘅辛酸，有血有泪嘅故事。」乐瞳认为同业睇完会特别有共鸣。
回顾猪年，Sam觉得相当充实，至于鼠年更加计划多多，「猪年工作量唔系太多，Lucy呢个年纪可以陪住佢成长，又可以集中搞呢套戏，啱啱好。（囡囡风头劲过你喎？）冇我呢个爸爸点会有呢个女，我好乐意帮大家揸机集邮，佢带到畀大家欢乐我都好开心，所以有构思鼠年同佢出本相集（乐瞳：你操刀？）我太太操刀，加埋我太太抵死嘅caption，或者出揽枕，但卖到嘅钱唔会扣除开支，自己都做到善事，好有意义。公司仲有一两个计划构思当中，音乐做主导嘅戏交畀Benji主理，另一套戏自己想做导演嘅《香港制造2020》内容同题材构思当中。」
乐瞳猪年过得顺利，期望鼠年达成做老板心愿，「新一年目标开间美容网店，大家话我keep得几好，就同大家分享啲护肤品，仲有同酒有关生意计划。」有份为该片搞埋配乐的Benji，仲想搞到部歌舞片，「电影呈现到你嘅音乐，帮助到画面同观众沟通，系一个全新领域，嚟紧几年我会花时间努力做好，歌舞剧系梦想嚟，几时实现都唔紧要。」
最新回应