汪明荃获赠口罩解燃眉之急 爆罗家英大马拍戏冇得买

汪明荃（阿姐）在社交网上载片段，晒冷口罩，留言：「多谢星（新）加坡fans送了两盒口罩给我，解我燃眉之急。大家保重身体，做好防疫工作！」
因为武汉肺炎疫情严峻，大家都在抢购口罩，阿姐在片段说很好彩，她的朋友来自世界各地，当知道她缺口罩就给她搜罗，说：「我计过，如果我一日用两个，两个已经系最少，因为我成日要开会、周围走，用完咗除咗之后又唔可以翻用，所以我预计自己可以用两个，譬如一盒得10个，5日就冇晒。」阿姐还爆料：「家英哥（罗家英）去咗马来西亚拍戏，我以为嗰度唔系咁严重，我问佢，一个都冇呀！佢话因为新加坡都有疫症发生咗，所以佢哋都好紧张，完全冇得买，我啲朋友用佢哋方法帮我班咗两盒。」
除了两大盒3层口罩，还有4包每包8个有图案的口罩，阿姐说原想叫他们买给小朋友用，但看尺码似乎是大人用。阿姐最后骚新加坡Fans给她很喜欢印有面谱的袜，她说经常著波鞋，配搭不同袜会很开心。