星岛日报

【全港停课】陈茵媺一家沙滩上堂 吴雨霏孭囝囝上山吸新鲜空气

2020-02-03 15:16

受武汉肺炎疫情影响,港府宣布幼稚园、小学、中学延长停课至3月1日,面对突如其来的「长假期」,一众星级家长都谂尽办法令小朋友冇咁闷,好似胡诺言太太陈琪就选择留在家中休息,以及与囡囡一齐整嘢食。

至于去年9月才诞下二女Galilee的吴雨霏(Kary),今日就带埋1岁大仔Asher和狗仔去行山,呼吸一下新鲜空气之馀,顺便当运动强身健体!不过,相中见她背脊孭住28磅的囝囝,又要拖住一只金毛寻回犬,你都咪话唔攰!好在Kary之后上载了一条片,片中有个壮汉帮手孭BB,估计老公洪立熙都有同行!她又以英文留言,表示产后因要照顾两个小朋友,导致身体长期受压,不过Kary仍乐观面对,努力去适应身体与升呢妈咪的生活变化。

另一个妈咪陈茵媺(Aimee)昨日则带3名子女到沙滩玩,实行寓学习于娱乐,她以英文写道:「学校暂时停课,但我啲小朋友喺附近沙滩玩嘅时候,发现咗一啲有趣嘅方法去继续学习。」原来3个小朋友用碌竹于沙上学写字,本来二仔陈浩锋想写「陈」字,但Aimee自嘲挂住影相都唔得闲理对方。

最新回应

關鍵字

相關新聞

热门文章