【头条独家】拉队食和牛庆功兼开年森美嬲爆丁子朗抢job

2020-01-30 20:11

森美于无綫《万千星辉颁奖典礼2019》凭《娱乐大家》及《森美旅行团》分别夺得「最佳节目主持」及「最佳非戏剧节目」奖，过去一年相当丰收，作为日本达人的森美日前带埋团友吴若希(Jinny)、麦美恩(Mayanne)及丁子朗去食烧和牛及刺身庆功兼开年，其间森美自爆好嬲，因为被人气劲升的朗朗抢走唔少job，搞到他要变身农夫，做「垃圾」跟Do姐搵食！采访：方骞平摄影：李权威场地：丸十牧场@MOKO

庆功宴上，森美见吴若希和麦美恩倾到鸡啄唔断，笑指两人应该系唔抵得对方成就，互踩争宠。麦美恩大笑说：「我都做唔到最受欢迎女歌星啦，大家都唔同条路喎，点竞争呢？」对此，吴若希反应很大，哈哈大笑：「唔紧要，我都做唔到。」场面搞笑。

唔会降价顶烂市
森美形容《森美旅行团》系人生中一个标志，在工作上得到好大满足感，当然希望节目长做长有，但新一辑未落实。他又搞鬼说：「要度期呀，粒粒皆星，𠵱家畀佢哋抢晒我啲Job呀，原先每年都有间大公司搵我，但近年话『唔使你喇！以后Mayanne拍朗朗得㗎啦！』我嬲到七彩，激死我呀！畀朗朗取替咗我个位，有佢冇我喎。问到会否降价收顺啲？森美笑言又唔使顶烂市，强调仲有好多嘢做，只不过级数冇咁高嘅宴会，会改Mayanne拍朗朗罗。

吴若希想开个唱
「Mayanne𠵱家可以带新人，佢喺《学是学非》一个人顶晒成个节目，以前系我做captain带住班女仔，𠵱家个节目都冇我存在啦。好似Jinny都系星梦一姐带住班师妹，佢哋责任好重大，唔系自己发光发热，系要带起身边人发光发热。」问到Jinny会否望新一年减少是非？她却说：「习惯咗是非，当改变唔到，就要学习共处！」Jinny再次否认同师妹菊梓乔唔妥，笑言只系唔妥周柏豪，因为他是靓仔人夫。另外，2020年是她入行10周年，希望有只纪念歌曲及开到处女演唱会。至于Mayanne想试吓拍剧；朗朗就话要身体健康，带多啲口罩，保护自己同埋身边人喎。